മലപ്പുറം: വടക്കൻ കേരളത്തിലെ മൂന്ന് ജില്ലകളിൽ ദേശീയ അന്വേഷണ ഏജൻസിയായ (എൻഐഎ) വ്യാപക പരിശോധന നടത്തുന്നു. മലപ്പുറം, കോഴിക്കോട്, കാസർകോട് ജില്ലകളിലെ വിവിധ കേന്ദ്രങ്ങളിലാണ് ഉദ്യോഗസ്ഥർ പരിശോധന നടത്തുന്നത്.
തിരൂരങ്ങാടിയിൽ ലോറി നിറയെ സ്ഫോടകവസ്തുക്കൾ എത്തിയ സംഭവവുമായി ബന്ധപ്പെട്ട അന്വേഷണത്തിന്റെ ഭാഗമായാണ് മലപ്പുറത്ത് പരിശോധനകൾ നടക്കുന്നത്. കേസുമായി ബന്ധപ്പെട്ട വ്യക്തികളുടെയും സ്ഥാപനങ്ങളുടെയും വിവരങ്ങൾ ശേഖരിക്കുന്നതിനും തെളിവുകൾ കണ്ടെത്തുന്നതിനുമായാണ് പരിശോധനയെന്നാണ് ലഭിക്കുന്ന വിവരം.
അതേസമയം, കോഴിക്കോട്, കാസർകോട് ജില്ലകളിലും വിവിധ ഇടങ്ങളിൽ ഒരേസമയം പരിശോധന പുരോഗമിക്കുകയാണ്. പരിശോധനയുമായി ബന്ധപ്പെട്ട കൂടുതൽ വിവരങ്ങൾ അധികൃതർ ഇതുവരെ പുറത്തുവിട്ടിട്ടില്ല.
സംഭവവുമായി ബന്ധപ്പെട്ട അന്വേഷണം എൻഐഎ ശക്തമാക്കിയിരിക്കുകയാണെന്നും പരിശോധനകൾക്ക് ശേഷം കൂടുതൽ വിവരങ്ങൾ ലഭ്യമാകുമെന്നുമാണ് സൂചന.
