ഡാര്‍ക്ക് ചോക്ലേറ്റ് കഴിക്കുന്നത് ആരോഗ്യത്തിന് നല്ലതാണെന്നാണ് പൊതുവേ പറയാനുള്ളത്. ഡാര്‍ക്ക് ചോക്ലേറ്റിന്റെ ഗുണങ്ങളെ കുറിച്ച് പലര്‍ക്കും അറിയില്ല. ഡാര്‍ക്ക് ചോക്ലേറ്റ് കഴിച്ചാലുള്ള നാല് ഗുണങ്ങള്‍ ഏതൊക്കെയെന്ന് നോക്കാം.
തടി കുറയ്ക്കാം
ചോക്ലേറ്റ് കഴിച്ചാല്‍ തടി കൂടുമെന്നാണ് ധാരണ. അത് തെറ്റായ ചിന്താഗതിയാണ്. ഡാര്‍ക്ക് ചോക്ലേറ്റ് കഴിച്ചാല്‍ ശരീരഭാരം ഒരു പരിധി വരെ കുറയ്ക്കാനാകും. ഡാര്‍ക്ക് ചോക്ലേറ്റ് കഴിച്ചാല്‍ വിശപ്പ് കുറയുകയും മറ്റ് മധുരമോ ഭക്ഷണപദാര്‍ത്ഥങ്ങളോ കഴിക്കുന്നത് കുറയുകയും ചെയ്യും. ഇത് സ്വാഭാവികമായും ശരീരഭാരം കുറയാന്‍ ഇടയാകും. കൂടാതെ ഡാര്‍ക്ക് ചോക്ലേറ്റിലടങ്ങിയിരിക്കുന്ന ഫ്‌ലാവനോയും പോഷകങ്ങളും ഇതിന് സഹായിക്കുന്നതാണ്. ഡാര്‍ക്ക് ചോക്ലേറ്റ് ശരീരത്തിലെ എല്‍ഡിഎല്‍ കൊളസ്‌ട്രോള്‍ കൂടുകയും ചെയ്യുമെന്ന് മിക്ക പഠനങ്ങളും പറയുന്നു.
പ്രമേഹം കുറയ്ക്കാം
ഡാര്‍ക്ക് ചോക്ലേറ്റിലടങ്ങിയിരിക്കുന്ന ഫ്‌ലേവനോയ്ഡ് എന്നറിയപ്പെടുന്ന ആന്റി ഓക്‌സിഡന്റുകളാണ് പ്രമേഹം വരുന്നത് നിയന്ത്രിക്കാന്‍ സഹായിക്കുന്നത്. ഡാര്‍ക്ക് ചോക്ലേറ്റിലെ ഫ്‌ലാവനോള്‍ നൈട്രിക് ഓക്‌സൈഡിന്റെ അളവ് കൂടുകയും ഇന്‍സുലിന്‍ അളവിനെ നിയന്ത്രിച്ച് നിര്‍ത്തുകയും ചെയ്യുന്നു.
സമ്മര്‍ദ്ദം കുറയ്ക്കാം
ഡാര്‍ക്ക് ചോക്ലേറ്റ് സമ്മര്‍ദ്ദം കുറയ്ക്കാനുള്ള ഏറ്റവും നല്ലൊരു പ്രതിവിധിയാണെന്ന് മിക്ക പഠനങ്ങളും പറയുന്നത്. സ്‌ട്രെസ് ഹോര്‍മോണ്‍ ആയ കോര്‍ട്ടിസോളിന്റെ അളവ് കുറയ്ക്കാന്‍ ഡാര്‍ക്ക് ചോക്ലേറ്റ് എന്നും കഴിക്കുന്നത് ഉപകരിക്കുമെന്നും പഠനങ്ങളില്‍ തെളിഞ്ഞിട്ടുണ്ട്.
ബുദ്ധി വളര്‍ച്ചയ്ക്ക്
തലച്ചോറിന്റെ കാര്യക്ഷമമായ പ്രവര്‍ത്തനത്തിനും ഓര്‍മ കൂട്ടാനും ചോക്ലേറ്റിന് കഴിയുമെന്നാണ് പഠനങ്ങള്‍ പറയുന്നത്. ഡാര്‍ക്ക് ചോക്ലേറ്റിന് രക്തയോട്ടം വര്‍ദ്ധിപ്പിക്കുവാനുള്ള കഴിവുണ്ടെന്നും വിദഗ്ധര്‍ പറയുന്നു. കൊക്കോയില്‍ അടങ്ങിയിട്ടുള്ള തിയോബ്രോമിനും കഫീനുമാണ് ഓര്‍മശക്തി കൂട്ടാന്‍ സഹായിക്കുന്നതെന്ന് പഠനങ്ങള്‍ പറയുന്നു.
ഇനി എന്തിന് വെയിറ്റ് ചെയ്യുന്നു. അപ്പോള്‍ ചോക്ലേറ്റ് വാങ്ങിക്കഴിക്കുകയല്ലെ......,..
