തിരുവനന്തപുരം: സംസ്ഥാനത്ത് വെള്ളക്കരം കൂടും. ചാർജ്ജ് കൂട്ടാനുള്ള ശുപാർശ ഇന്ന് ചേർന്ന ഇടതുമുന്നണി യോഗം അംഗീകരിച്ചു.ജനരോഷം ഉയരാൻ സാധ്യതയുള്ള വിഷയമായതിനാൽ തീരുമാനം ഇടതുമുന്നണിയിൽ ചർച്ച ചെയ്തെടുക്കാൻ സർക്കാർ തീരുമാനിക്കുകയായിരുന്നു.ലിറ്ററിന് ഒരു പൈസ നിരക്കിലായിരിക്കും നിരക്ക് വർധിക്കുക. ജലവിഭവവകുപ്പ് വെള്ളക്കരം കൂട്ടണമെന്ന് ആവശ്യപ്പെട്ട് നേരത്തെ സർക്കാരിനെ സമീപിച്ചിരുന്നു. ഇന്നലെ ചേർന്ന ഇടതുമുന്നണിയോഗം ജലവിഭവവകുപ്പിന്റെ ശുപാർശ പരിശോധിക്കുകയും നിരക്ക് വർധനയ്ക്ക് അനുമതി നൽകുകയുമായിരുന്നുവെന്ന് ഇടതുമുന്നണി കൺവീനർ ഇ.പി.ജയരാജൻ അറിയിച്ചു.
