കോഴിക്കോട് പേരാമ്പ്ര ചെറുവണ്ണൂർ കണ്ടിയിൽ താഴെയാണ് അപകടമുണ്ടായത്. കോതങ്കോട്ട് പാറമ്മൽ സ്വദേശി അനിലാഷാണ് വാഹനത്തിൽ ഉണ്ടായിരുന്നത്. ഉടൻ തന്നെ ഡോർ തുറന്ന് പുറത്തിറങ്ങിയതിനാൽ ഇദ്ദേഹം പരിക്കേൽക്കാതെ രക്ഷപ്പെട്ടു.
അനിലാഷ് വീട്ടിൽ നിന്നും വാനിൽ പുറത്തേക്ക് ഇറങ്ങിയതായിരുന്നു. കുറച്ചുദൂരം പിന്നിട്ടതോടെ ഡ്രൈവർ സീറ്റിന്റെ അടിഭാഗത്ത് നിന്ന് തീയും പുകയും വരുന്നതായി ശ്രദ്ധയിൽപ്പെട്ടു. ഉടൻ തന്നെ വാഹനം നിർത്തി പുറത്തിറങ്ങിയതിനാൽ പരിക്കേൽക്കാതെ രക്ഷപ്പെട്ടു.
പേരാമ്പ്ര അഗ്നിരക്ഷാ നിലയത്തിൽ വിവരം അറിയിച്ചതിനെ തുടർന്ന് സീനിയർ ഫയർ ആന്റ് റസ്ക്യൂ ഓഫീസർ റഫീഖിന്റെ നേതൃത്വത്തിലുള്ള സംഘം സ്ഥലത്തെത്തി തീ നിയന്ത്രണ വിധേയമാക്കി.
