പണ്ട് മാറ് മറയ്ക്കാനായിരുന്നു സമരമെങ്കില്‍ ഇപ്പോള്‍ മാറ് കാണിക്കാനാണ് സമരമെന്ന് ഫസല്‍ ഗഫൂർ പറഞ്ഞു. ഒരുകൂട്ടർ മുഖം മറയ്ക്കുന്നു. മറ്റു കൂട്ടർ മറ്റു ചിലത് തുറന്ന് കാണിക്കുന്നു. അതൊന്നും വേണ്ട. അത്യാവശ്യം ട്രൗസർ ചിലർ പൊക്കി നടക്കുന്നു. അതില്‍ വിരോധമില്ല, കാണിക്കാൻ പറ്റിയതാണെങ്കില്‍ തരക്കേടില്ലെന്നും ഫസല്‍ ഗഫൂർ കൂട്ടിച്ചേർത്തു.
നമുക്ക് അമിതമായിട്ടുള്ള പാശ്ചാത്യ വത്കരണം വേണ്ട. അറേബ്യന്‍ സംസ്‌കാരവും ആര്യസംസ്‌കാരവും പാശ്ചാത്യ സംസ്‌കാരവും വേണ്ടെന്നും പൂര്‍വീകര്‍ നടന്നതുപോലെ നടന്നാല്‍ മതിയെന്നും ഫസല്‍ അഭിപ്രായപ്പെട്ടു. തിരൂരില്‍ എംഇഎസ് അധ്യാപകരുടെ സംഗമത്തില്‍ സംസാരിക്കുകയായിരുന്നു ഫസല്‍ ഗഫൂർ.
