വിവാദങ്ങള്ക്കൊടുവില് ഡിസിസി ഭാരവാഹി പട്ടിക ഇന്നോ നാളെയോ പ്രഖ്യാപിക്കും. സമവായ ശ്രമത്തിന്റ ഭാഗമായി കെപിസിസി പ്രസിഡന്റ് കെ സുധാകരനും പ്രതിപക്ഷ നേതാവ് വി ഡി സതീശനും ഇന്ന് കൂടിക്കാഴ്ച്ച നടത്തും.
കരട് പട്ടികയിന്മേല് സുധാകരനുമായി സതീശന് അനുകൂലികള് കഴിഞ്ഞ ദിവസം ചര്ച്ച നടത്തിയിരുന്നു. ഇരു വിഭാഗങ്ങളും വിട്ടുവീഴ്ച്ച ചെയ്ത് പട്ടികയില് മാറ്റം വരുത്താന് ധാരണയിലെത്തിയിരുന്നു.
എം പിമാരുടെ പരാതിയുണ്ടെന്ന പേരില് ആയിരുന്നു ഹൈക്കമാന്റ് പുനസംഘടന നിര്ത്തിവെച്ചത്. ഇതില് രോഷാകുലനായ സുധാകരന് പദവി ഒഴിയും എന്ന് വരെ എഐസിസിയെ അറിയിച്ചിരുന്നു. കെ സി വേണുഗോപാലും സതീശനും ചേര്ന്നു പാര്ട്ടി പിടിക്കാന് ശ്രമിക്കുന്നു എന്നാണ് സുധാകരന്റെ പരാതി. എന്നാല് പുതിയ ഗ്രൂപ്പ് എന്ന പ്രചാരണത്തിന് പിന്നില് ചെന്നിത്തലയെ ആണ് സതീശന് സംശയിക്കുന്നത്. തന്റെ പേരില് ഗ്രൂപ്പില്ലെന്ന് വി ഡി സതീശന് ഇന്നലെ വാര്ത്താസമ്മേളനത്തില് വ്യക്തമാക്കി. തന്റെ പേരില് ഗ്രൂപ്പുണ്ടായാല് പാര്ട്ടി ആസ്ഥാനത്തുണ്ടാകില്ല. ഗ്രൂപ്പുണ്ടാക്കുന്നതായി അധിക്ഷേപ പ്രചാരണം നടത്തുകയാണ്. ഇതിന് പിന്നിലുള്ള ശക്തി ആരെന്ന് ആറിയാം. എന്നാല് ഇപ്പോള് പറയുന്നില്ലെന്നുമായിരുന്നു സതീശന്റെ പ്രതികരണം.