കോട്ടയം: മൂലവട്ടം ശ്രീ കുട്ടിക്കാട്ട് ദേവീക്ഷേത്രത്തിലെ അശ്വതി തിരുനാൾ മഹോത്സവവും പൊങ്കാലയും മാർച്ച് 21 ശനിയാഴ്ച നടക്കും. പുലർച്ചെ 5 മണിക്ക് നിർമ്മാല്യവും കവാടതുറക്കലും തുടർന്ന് മഹാഗണപതി ഹോമം, ഉഷപൂജ, കലശപൂജ തുടങ്ങിയ ചടങ്ങുകളും നടക്കും.
രാവിലെ 9 മണിക്ക് പൊങ്കാലയും 9.30 ന് ശതകലശാഭിഷേകവും നടക്കും. തുടർന്ന് അലങ്കാരപൂജ, പ്രസാദവിതരണം, ഉച്ചപൂജ, തിരുനാൾ സദ്യ എന്നിവയും ഉണ്ടായിരിക്കും.
വൈകുന്നേരം ദീപാരാധനയ്ക്ക് ശേഷം താലപ്പൊലി ഘോഷയാത്ര, വാദ്യമേളങ്ങൾ, ഭദ്രകാളി നൃത്തം, അമ്പലപ്പൂക്കാവടി, തെയ്യങ്ങൾ എന്നിവ ഉൾപ്പെടുന്ന കലാപരിപാടികളും നടക്കും. രാത്രി സർപ്പംപാട്ടും മഹാകുരുതി ചടങ്ങും ഉണ്ടായിരിക്കും.
പൊങ്കാല അർപ്പിക്കാൻ ആഗ്രഹിക്കുന്ന ഭക്തജനങ്ങൾ ആവശ്യമായ സാധനങ്ങളുമായി രാവിലെ 9 മണിക്ക് മുമ്പ് ക്ഷേത്രത്തിൽ എത്തിച്ചേരണമെന്ന് സംഘാടകർ അറിയിച്ചു.
