സാന്റിയാഗോ മാർട്ടിന്റെയും കുടുംബാംഗങ്ങളുടെയും പേരിയുളള 457 കോടി രൂപയുടെ സ്വത്തുക്കൾ എൻഫോഴ്സ്മെന്റ് മരവിപ്പിച്ചിരുന്നു.
ഇതിന് പിന്നാലെയാണ് സാന്റിയാഗോ മാർട്ടിൻ കൊച്ചിയിലെ ഇ ഡി ഓഫീസിൽ എത്തിയത്. കൊച്ചി ഇ ഡി ഓഫീസിലെത്തിയ സാന്റിയാഗോ മാർട്ടിനെ എൻഫോഴ്സ്മെന്റ് ചോദ്യം ചെയ്യുകയാണ്.
സിക്കിം സംസ്ഥാന ലോട്ടറിയുടെ മറവിൽ കോടികളുടെ കളളപ്പണ ഇടപാട് നടത്തിയെന്നാണ് ആരോപണം. സാന്റിയാഗോ മാർട്ടിന്റെ ചെന്നെയിലേയും കോയമ്പത്തൂരിലെയും സ്ഥാപനങ്ങളിലും വീടുകളിലും ഇ ഡി റെയ്ഡ് നടത്തിയിരുന്നു.
ലോട്ടറി വ്യവസായി സാന്റിയാഗോ മാര്ട്ടിന്റെ പക്കല്നിന്ന് പിടിച്ചെടുത്ത 457 കോടി രൂപയുടെ കള്ളപ്പണം കേരളത്തിലെസാധാരണക്കാരുടെതാണെന്നും സിപിഎമ്മിന്റെ സഹായത്തോടെയാണ് മാര്ട്ടിന് ഈ പണം ഇവിടെനിന്ന് കടത്തിയതെന്നും കെപിസിസി പ്രസിഡന്റ് കെ സുധാകരന് എംപി അഭിപ്രായപ്പെട്ടിരുന്നു.