മുഖ്യമന്ത്രി പിണറായി വിജയൻ ഇന്ന് കൊല്ലത്ത്. മുഖ്യമന്ത്രി സംസ്ഥാന റവന്യു ദിനാചരണം ഉദ്ഘാടനം ചെയ്യും. ജില്ലാ അതിർത്തിയായ കടമ്പാട്ടുകോണം മുതൽ പരിപാടി നടക്കുന്ന കൊല്ലം നഗരം വരെ കനത്ത സുരക്ഷയാണ് ഒരുക്കിയിരിക്കുന്നത്. പരമാവധി ഉദ്യോഗസ്ഥരെ ജില്ലയുടെ വിവിധ മേഖലകളിൽ നിന്നായി എത്തിക്കാനാണു തീരുമാനം. ഗതാഗത നിയന്ത്രണം ഉൾപ്പെടെയുള്ള കൂടുതൽ നിയന്ത്രണങ്ങൾ ഏർപ്പെടുത്തിയേക്കും. സംസ്ഥാന റവന്യൂദിനാഘോഷവും, അവാർഡ് വിതരണവും വൈകിട്ട് നാലിന് സി. കേശവൻ സ്മാരക ടൗൺഹാളിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.
