ഇടുക്കി: ഇടുക്കി കട്ടപ്പന ഇരുപതേക്കറിലുള്ള ആയുർധാര എന്ന സിദ്ധ വൈദ്യശാല 24 മണിക്കൂറിനുള്ളില്‍ അടച്ചു പൂട്ടാൻ ആരോഗ്യ വകുപ്പ് നോട്ടീസ് നല്കി. വെരിക്കോസ് വെയിൻ ഉള്‍പ്പെടെയുള്ള ഗുരുതര രോഗങ്ങള്‍ക്ക് അശാസ്ത്രീയമായ രീതിയില്‍ നല്‍കുന്ന ചികിത്സ മൂലം മറ്റ് ആരോഗ്യ പ്രശ്നങ്ങള്‍ ഉണ്ടാകുന്നുവെന്ന് ചികിത്സ തേടിയവകുടെ പരാതിയെ തുടർന്നാണ് നടപടി.
ക്ലിനിക്കിനുള്ള ലൈസൻസുപയോഗിച്ച്‌ ഇവിടെ രോഗികളെ കിടത്തി ചികിത്സിക്കുന്നുമുണ്ടായിരുന്നു. ഇവരെ അംഗീകാരമുള്ള മറ്റ് ആശുപത്രികളിലേക്ക് മാറ്റണമെന്നും ആരോഗ്യ വകുപ്പ് നിർദ്ദേശം നല്‍കിയിട്ടുണ്ട്. സ്‌ഥാപനത്തിന് എതിരെ സിദ്ധ മെഡിക്കല് അസോസിയേഷൻ ഓഫ് ഇന്ത്യയും ആയുർവേദ മെഡിക്കല് അസോസിയേഷനും പരാതി നല്‍കിയിട്ടുണ്ട്. കേരള മെഡിക്കല് കൗണ്‍സിലിൻറെ അംഗാകരമില്ലാതെയാണ് സിൻറോ ജോസഫെന്നയാള്‍ ഇവിടെ ഇത്തരം ചികിത്സകള്‍ നടത്തിയിരുന്നത്.
