തിരുവനന്തപുരം: ഗവർണർ ആരിഫ് മുഹമ്മദ് ഖാൻ്റെ ക്രിസ്മസ് വിരുന്നിനുള്ള ക്ഷണം സർക്കാരും പ്രതിപക്ഷവും നിരസിച്ചു. മുഖ്യമന്ത്രി പിണറായി വിജയനും, മന്ത്രിമാരും, പ്രതിപക്ഷനേതാവ് വി.ഡി സതീശനും വിരുന്നിൽ പങ്കെടുക്കില്ല. ഗവർണർ തുടർച്ചയായി സർക്കാരിനെ പ്രതിസന്ധിയിലാക്കുന്ന സാഹചര്യത്തിലാണ് വിരുന്നിന് പങ്കെടുക്കേണ്ടതില്ല എന്ന തീരുമാനത്തിലേക്ക് സർക്കാർ എത്തിയത്.
സി.പി.എമ്മിൻ്റെയും സി.പി.ഐയുടെയും കൂടി അഭിപ്രായം പരിഗണിച്ചാണ് തീരുമാനം. 14 ന് നടക്കുന്ന ആഘോഷ പരിപാടികളിലേക്കാണ് മുഖ്യമന്ത്രി പിണറായി വിജയനെയും മറ്റു
മന്ത്രിമാരെയും ഗവർണർ ക്ഷണിച്ചത്. കഴിഞ്ഞ തവണ മത മേലാധ്യക്ഷന്മാർക്ക്
മാത്രമായിരുന്നു ക്ഷണമുണ്ടായിരുന്നത്.
