കൊച്ചി: അയ്യപ്പ സംഗമത്തിന് പിന്നാലെ ന്യൂനപക്ഷ സംഗമം നടത്താനൊരുങ്ങി സംസ്ഥാന സര്ക്കാര്. അടുത്തമാസം പകുതിയോടെ കൊച്ചിയില് വെച്ചാണ് സംഗമം നടക്കുക. ഈ മാസം 20ന് സ്വാഗത സംഘം ചേരാനാണ് നിലവിലെ തീരുമാനം. പരിപാടിയുടെ ഭാഗമായി 33 സെമിനാറുകളും സംഘടിപ്പിക്കും.
ക്രിസ്ത്യന് സംഘടനകളാണ് സംഗമത്തിന്റെ പ്രധാന ലക്ഷ്യമെന്നാണ് സൂചന. ക്രിസ്ത്യന് മുസ്ലീം മത വിഭാഗങ്ങളില് നിന്നായി ക്ഷണിക്കപ്പെട്ട 1,500 പേര് സംഗമത്തില് പങ്കെടുക്കും. കെ ജെ മാക്സി എംഎല്എയ്ക്കാണ് ക്രിസ്ത്യന് സംഘടനകളെ ഈ സംഗമത്തില് പങ്കെടുപ്പിക്കാനുള്ള ചുമതല. 'വിഷന് 2031' എന്നാണ് സംഗമത്തിന് തലക്കെട്ട് നല്കിയിരിക്കുന്നത്. 2031ല് കേരളത്തിലെ ന്യൂനപക്ഷ സംഘടനകള് ഏത് രീതിയിലാണ് പ്രവര്ത്തിക്കേണ്ടത് തുടങ്ങിയ പ്രബന്ധാവതരണം ഉള്പ്പെടെയുള്ള പരിപാടികള് സംഗമത്തിലുണ്ടാവും.
