കോട്ടയം: 2026 കേരള നിയമസഭാ തിരഞ്ഞെടുപ്പിനെ മുന്നിൽകണ്ട് കേരള കോൺഗ്രസ് (എം) പാർട്ടി മത്സരിക്കുന്ന മണ്ഡലങ്ങളിലെ സ്ഥാനാർത്ഥി പട്ടിക പ്രഖ്യാപിച്ചു. പാർട്ടി ചെയർമാൻ ജോസ് കെ. മാണിയാണ് കോട്ടയത്ത് നടന്ന പ്രഖ്യാപനത്തിൽ സ്ഥാനാർത്ഥികളെ അറിയിച്ചത്.
പട്ടിക പ്രകാരം പാലാ മണ്ഡലത്തിൽ ജോസ് കെ. മാണി തന്നെ മത്സരിക്കും. ഇടുക്കി മണ്ഡലത്തിൽ റോഷി അഗസ്റ്റിൻ, കാഞ്ഞിരപ്പള്ളി മണ്ഡലത്തിൽ എൻ. ജയരാജ്, ചങ്ങനാശ്ശേരി മണ്ഡലത്തിൽ ജോബി മൈക്കിൾ എന്നിവരാണ് സ്ഥാനാർത്ഥികൾ.
പൂഞ്ഞാർ മണ്ഡലത്തിൽ സെബാസ്റ്റ്യൻ കുളത്തുങ്കൽ, ചാലക്കുടി മണ്ഡലത്തിൽ അഡ്വ. ബിജു ചിയത്ത്, റാന്നി മണ്ഡലത്തിൽ പ്രമോദ് നാരായൺ, തൊടുപുഴ മണ്ഡലത്തിൽ നിയാസ് ചാഴിക്കാടൻ, പിറവം മണ്ഡലത്തിൽ സാബു കെ. ജേക്കബ് എന്നിവരും പട്ടികയിൽ ഉൾപ്പെട്ടിട്ടുണ്ട്.
ഇരിക്കൂർ, കടുത്തുരുത്തി, പെരുമ്പാവൂർ മണ്ഡലങ്ങളിലേക്കുള്ള സ്ഥാനാർത്ഥികളെയും പാർട്ടി പ്രഖ്യാപിച്ചു. വരുന്ന തിരഞ്ഞെടുപ്പിൽ ശക്തമായ മത്സരം കാഴ്ചവയ്ക്കുമെന്ന ആത്മവിശ്വാസം പാർട്ടി നേതൃത്വവും പ്രകടിപ്പിച്ചു.
