മാർച്ച് യൂത്ത് കോൺഗ്രസ് സംസ്ഥാന പ്രസിഡന്റ് ഷാഫി പറമ്പിൽ ഉദ്ഘാടനം ചെയ്തു.
കരുവന്നൂർ കൊള്ളയിൽ ഉന്നതരായ സിപിഎം നേതാക്കളെ രക്ഷിച്ചെടുക്കാൻ ക്രൈം ബ്രാഞ്ച് അന്വേഷണം അട്ടിമറിച്ചുവെന്നാണ് യൂത്ത് കോൺഗ്രസ് ആരോപണം. അന്വേഷണം അട്ടിമറിച്ച ക്രൈം ബ്രാഞ്ച് ഉദ്യോഗസ്ഥർക്ക് എതിരെ നടപടി എടുക്കണം എന്നാവശ്യപ്പെട്ടാണ്
യൂത്ത് കോൺഗ്രസ്സ് ജില്ലാ കമ്മിറ്റി ക്രൈം ബ്രാഞ്ച് ഓഫീസിലേക്ക് മാർച്ച് നടത്തിയത്. ഡി ഡി സി ഓഫീസിൽ നിന്നും ആരംഭിച്ച പ്രകടനം ക്രൈം ബ്രാഞ്ച് ഓഫീസിന് സമീപം പോലീസ് തടഞ്ഞു. തുടർന്ന് നടന്ന ധർണ യൂത്ത് കോൺഗ്രസ് ജില്ലാ പ്രസിഡന്റ ഒ.ജെ.ജെനീഷിന്റെ അധ്യക്ഷതയിൽ സംസ്ഥാന പ്രസിഡന്റ് ഷാഫി പറമ്പിൽ ഉദ്ഘാടനം ചെയ്തു. കരുവന്നൂർ തട്ടിപ്പ് അന്വേഷണത്തിൽ എ.സി. മൊയ്തീനും പി.കെ ബിജുവും അടക്കമുള്ള ഉന്നത നേതാക്കളെ രക്ഷിച്ചെടുക്കാനാണ് ക്രൈം ബ്രാഞ്ച് അന്വേഷണം അട്ടിമറിച്ചതെന്ന് ഷാഫി ചൂണ്ടിക്കാട്ടി.തുടർന്ന് ബാരിക്കേഡ് മറികടന്ന് മുന്നോട്ട് നീങ്ങിയ പ്രവർത്തകർക്ക് നേരെ പോലീസ് ജലപീരങ്കി പ്രയോഗിക്കുകയായിരുന്നു.