കത്തോലിക്കാ കോൺഗ്രസ് പാലാരുപതാ ഡയറക്ടർ റവ. ഡോ.ജോർജ് വർഗീസ് ഞാറക്കുന്നേലിനെ വാഹനമിടിപ്പിച്ച് പരിക്കേല്പിച്ച സംഭവത്തിൽ പോലീസ് നടപടി. ഇടിപ്പിച്ച വാഹനവും വാഹനമോടിച്ചിരുന്നയാളും പോലീസ് പിടിയിലായി.
മുത്തോലി സ്വദേശി പ്രകാശ് എന്നയാളെയാണ് പോലീസ് അറസ്റ്റ് ചെയ്തത്. വാഹനവും കസ്റ്റഡിയിലെടുത്തു.
പാലാ ഡി വൈ എസ് പി കെ സദൻ, എസ് എച്ച് ഒ പി ജെ കുര്യാക്കോസ്, എസ് ഐ ദിലിപ് കുമാർ, എ എസ് ഐ ജോബി ജോസഫ് എന്നിവർ ചേർന്നാണ് വാഹനം കസ്റ്റഡിയിലെടുത്തത്.
ഈ മാസം 12ആം തീയതി പാലാ ബിഷപ് ഹൗസിനു മുമ്പിൽ വച്ചാണ് വൈദികനെ ഇടിച്ച ശേഷം വാഹനം നിർത്താതെ പോയത്.
