തപാല്‍ വകുപ്പിന്റെ അത്തരത്തിലുളള ഒരു നിക്ഷേപപദ്ധതിയാണ് സീനിയർ സിറ്റിസണ്‍ സേവിംഗ്സ് സ്‌കീം (എസ്‌സിഎസ്‌എസ്). മുതിർന്ന പൗരൻമാർക്ക് സുരക്ഷിതവും സ്ഥിരവുമായ ഒരു വരുമാനം ഉറപ്പാക്കാൻ സഹായിക്കുന്ന പദ്ധതിയാണിത്.
നിങ്ങള്‍ ജോലിയില്‍ നിന്ന് വിരമിക്കുന്ന സമയത്ത് നിശ്ചിത തുക പദ്ധതിയില്‍ നിക്ഷേപിക്കുകയാണെങ്കില്‍ പ്രതിമാസം കൃത്യമായി ഒരു വരുമാനം ലഭിക്കും. എസ്‌സിഎസ്‌എസിലെ പലിശ നിരക്ക് 8.2 ശതമാനമാണ്. സർക്കാർ നിക്ഷേപപദ്ധതികളില്‍ ഏറ്റവും ഉയർന്ന പലിശനിരക്കുളള പദ്ധതിയാണിത്. ഉദാഹരണത്തിന് ഈ പദ്ധതിയില്‍ നിങ്ങള്‍ 30 ലക്ഷം നിക്ഷേപിക്കുകയാണെങ്കില്‍ പ്രതിവർഷം ഏകദേശം 2,46,000 രൂപ വരെ പലിശ ലഭിക്കും. അതായത് മാസം തോറും 20,500 രൂപ നിങ്ങള്‍ക്ക് പലിശയിനത്തില്‍ മാത്രം അക്കൗണ്ടിലെത്തും.
15 ലക്ഷം രൂപയെങ്കിലും പദ്ധതിയില്‍ പരമാവധി നിക്ഷേപിക്കേണ്ടതുണ്ട്. അഞ്ച് വർഷമാണ് കാലാവധി. ആദായനികുതി നിയമത്തിലെ സെക്ഷൻ 80 സി പ്രകാരം ഒരു വർഷത്തില്‍ 1.5 ലക്ഷം രൂപ വരെ നികുതിയിളവും സ്വന്തമാക്കാം. കാലാവധി പൂർത്തിയാകുമ്ബോള്‍ നിങ്ങളുടെ ആവശ്യകതയനുസരിച്ച്‌ മൂന്ന് വർഷത്തേക്ക് കൂടി നീട്ടാവുന്നതാണ്. എന്നാല്‍ നിക്ഷേപ കാലാവധി പൂർത്തിയാകുന്നതിന് മുൻപ് നിങ്ങള്‍ പദ്ധതിയില്‍ നിന്ന് പിൻമാറിയാല്‍ പിഴ അടയ്‌ക്കേണ്ടി വരും.
60ന് മുകളില്‍ പ്രായമുളളവർക്കും 55നും 60നും ഇടയില്‍ പ്രായമുളള വിരമിച്ച ജീവനക്കാർക്കും 50നും 60നും ഇടയില്‍ പ്രായമുളള വിരമിച്ച പ്രതിരോധ ഉദ്യോഗസ്ഥർക്കും പദ്ധതിയില്‍ ചേരാവുന്നതാണ്. അടുത്തുളള പോസ്‌റ്റോഫീസിലോ ബാങ്കിലോ എത്തി ഈ പദ്ധതിയെക്കുറിച്ചുളള കൂടുതല്‍ വിവരങ്ങള്‍ മനസിലാക്കി ചേരാവുന്നതാണ്.
