കെ.കെ റോഡില്‍ കൊടൂങ്ങൂരില്‍ ഓട്ടോറിക്ഷയും മിനി ലോറിയും കൂട്ടിയിടിച്ച് യുവാവ് മരിച്ചു. വാഴൂർ പതിനഞ്ചാം മൈല്‍ പെൻഷൻ ഭവന് സമീപം ഇളപ്പുങ്കല്‍ ഓട്ടോ ഓടിക്കുന്ന തുരുത്തിപ്പള്ളിയില്‍ ജോമോൻ (33) ആണ് മരിച്ചത്.
ഇന്ന് രാവിലെ 10 മണിയോടെയായിരുന്നു സംഭവം. ജോമോൻ സഞ്ചരിച്ച ഓട്ടോറിക്ഷ എതിർദിശയില്‍ നിന്നും എത്തിയ 407 പിക്കപ്പ് വാനുമായി ഇടിയ്ക്കുകയായിരുന്നു.
ഇടിയുടെ ആഘാതത്തില്‍ ഓട്ടോറിക്ഷ അപകടത്തില്‍പ്പെടുകയായിരുന്നു. ഓടിക്കൂടിയ നാട്ടുകാർ ചേർന്ന് ജോമോനെ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. സംഭവത്തില്‍ പോലീസ് കേസെടുത്തു.
