തിരുവനന്തപുരം: വെയിലത്ത് ജോലി ചെയ്യുന്ന തൊഴിലാളികളുടെ ജോലി സമയം പുനഃക്രമീകരിച്ചു ഉത്തരവിറക്കി. സംസ്ഥാനത്ത് പകൽ താപനില ക്രമാതീതമായി ഉയരുന്ന സാഹചര്യത്തിലാണ് ക്രമീകരണം.രണ്ടു മാസത്തേക്കാണ് ക്രമീകരണം. ഇന്ന് മുതൽ ഏപ്രിൽ 30 വരെയാണ് നിയന്ത്രണം ഏർപ്പെടുത്തിയിട്ടുള്ളത്. ലേബർ കമ്മീഷണറാണ് ഇത് സംബന്ധിച്ച ഉത്തരവിറക്കിയത്. സൂര്യാഘാത സാധ്യത കണക്കിലെടുത്താണ് തീരുമാനം.ഇന്ന് രാവിലെ ഏഴ് മുതൽ വൈകിട്ട് ഏഴുവരെയാണ് നിയന്ത്രണം. ഈ സമയത്തിൽ എട്ട് മണിക്കൂറായി ജോലി സമയം നിജപ്പെടുത്തി. അതേസമയം, സൂര്യാഘാത സാധ്യത ഇല്ലാത്ത മേഖലകളെ ഉത്തരവിൻ്റെ പരിധിയിൽ നിന്ന് ഒഴിവാക്കിയിട്ടുണ്ട്. അതായത്, സമുദ്രനിരപ്പിൽ നിന്ന് 3000 അടിയിൽ ഉയരമുള്ള സൂര്യാഘാതത്തിന് സാധ്യത ഇല്ലാത്ത മേഖലകളെയാണ് ഈ ഉത്തരവിൻ്റെ പരിധിയിൽ നിന്ന് ഒഴിവാക്കിയതെന്ന് ലേബർ കമ്മീഷണർ അറിയിച്ചു.
