കേരളത്തിലേക്ക് പുതുതായി അനുവദിച്ച ദക്ഷിണ റെയിൽവേയുടെ 17 പുതിയ ട്രെയിനുകൾ ഇന്നുമുതൽ ഓടിത്തുടങ്ങും. ക്രിസ്മസ് പുതുവത്സരത്തോടനുബന്ധിച്ചാണ് പുതിയ സർവീസുകൾ അനുവദിച്ചത്. സീസൺ ആയതിനാൽ യാത്രാസൗകര്യത്തിനും അധിക തിരക്ക് ഒഴിവാക്കാനും ആണ് പുതിയ ട്രെയിൻ സർവീസുകൾ ആരംഭിച്ചത്. ഇന്നുമുതൽ 2023 ജനുവരി 2 വരെയുള്ള ദിവസങ്ങളിൽ ആകും പ്രത്യേക ട്രെയിനുകൾ സർവീസ് നടത്തുക. കൂടാതെ ദക്ഷിണ റെയിൽവേയും മറ്റ് സോണൽ റെയിൽവേയും അറിയിച്ച പ്രത്യേക ട്രെയിനുകളും ഉണ്ടാകും.
