ചങ്ങനാശേരി: തുരുത്തിയിൽ വാഹനത്തിൽ കൊണ്ടുപോകുന്നതിനിടെ ഇടഞ്ഞ ആനയെ മയക്കുവെടി വച്ചു. വാഹനത്തിൻ്റെ കൈവരികൾ തകർക്കുകയും പ്രദേശത്തെ ഗതാഗതം പൂർണമായി സ്തംഭിപ്പിക്കുകയും ചെയ്ത ആനയെയാണ് അരമണിക്കൂറോളം നീണ്ട പരിശ്രമത്തിനൊടുവിൽ എലിഫൻ്റ് സ്ക്വാഡ് സ്ഥലത്തെത്തി രണ്ട് റൗണ്ട് മയക്കുവെടി വച്ചത്. പൊലീസും ഫയർഫോഴ്സും സ്ഥലത്തെത്തിയിരുന്നു. ആന കൈവരി തകർത്ത് റോഡിലിറങ്ങുമെന്ന സന്ദർഭത്തിലാണ് എലിഫൻ്റ് സ്ക്വാഡിനെ വിവരമറിയിച്ചത്.
