ശബരിമല സ്വര്ണക്കൊള്ള കേസില് അറസ്റ്റിലായ ശബരിമല തന്ത്രി കണ്ഠഠരര് രാജീവരുടെ വൈദ്യപരിശോധന പൂര്ത്തിയായി കൊല്ലത്തേക്ക് കൊണ്ടുപോയി. കൊട്ടാരക്കര വിജിലൻസ് കോടതിയിൽ ഹാജരാക്കി.
വൈദ്യ പരിശോധനക്ക് എത്തിച്ചപ്പോള് അറസ്റ്റില് തന്ത്രി രാജീവര് മാധ്യമങ്ങളോട് പ്രതികരിച്ചു. താന് കുറ്റമൊന്നും ചെയ്തിട്ടില്ലെന്നാണ് തന്ത്രി കണ്ഠരര് രാജീവരുടെ പ്രതികരണം.
മാധ്യമങ്ങളൂടെ കൂടുതല് ചോദ്യങ്ങളോട് സ്വാമി ശരണമെന്ന മറുപടിയുമാണ് തന്ത്രി നല്കിയത്. ആരെങ്കിലും കുടുക്കിയതാണോയെന്ന് മാധ്യമങ്ങള് ചോദ്യത്തിനും തന്ത്രി പ്രതികരിച്ചു.
തിരുവനന്തപുരം ജനറല് ആശുപത്രിയിലെ വൈദ്യ പരിശോധനക്കുശേഷം തന്ത്രിയുമായി എസ്ഐടി സംഘം കൊല്ലത്തേക്കാണ് പോയത്. തന്ത്രിയെ കൊട്ടാരക്കരയിലെ കൊല്ലം വിജിലന്സ് കോടതിയിയില് ഹാജരാക്കി. തന്ത്രിക്ക് ആരോഗ്യപ്രശ്നങ്ങളില്ലെന്ന് എസ്ഐടി കോടതിയെ അറിയിച്ചു. ബിപി, പ്രമേഹം എന്നിവക്ക് മരുന്ന് കഴിക്കുന്നുണ്ടെന്നും അറിയിച്ചു.
