ആലപ്പുഴ: സാംസ്കാരിക വകുപ്പിനു കീഴിൽ പ്രവർത്തിക്കുന്ന തകഴി സ്മാരകം ഏർപ്പെടുത്തിയ തകഴി പുരസ്കാരം നോവലിസ്റ്റ് എം. മുകുന്ദന്. മലയാള സാഹിത്യത്തിന് നൽകുന്ന സമഗ്ര സംഭാവനയെ മുൻനിർത്തിയാണ് അവാർഡ്.അരലക്ഷം രൂപയും പ്രശസ്തിപത്രവും അടങ്ങുന്നതാണ് പുരസ്കാരം. ഏപ്രിൽ 17ന് തകഴിയുടെ ജന്മദിനത്തിൽ തകഴി ശങ്കരമംഗലത്ത് നടക്കുന്ന ചടങ്ങിൽ പുരസ്കാര വിതരണം ചെയ്യുമെന്ന് സ്മാരക സമിതി ചെയർമാൻ ജി. സുധാകരൻ, സെക്രട്ടറി കെ.ബി അജയകുമാർ എന്നിവർ അറിയിച്ചു.
