കൊച്ചി: കൊച്ചിയിലെ പുതുവത്സരാഘോഷത്തിൻ്റെ സുരക്ഷാക്രമീകരണങ്ങൾ വിലയിരുത്തി ഡിസിപി. ആഘോഷങ്ങൾ നടക്കുന്ന സ്ഥലങ്ങളെല്ലാം ക്യാമറ നിരീക്ഷണത്തിലാണ്. അതിർത്തികളിൽ 24 മണിക്കൂർ പരിശോധനയുണ്ട്. തിരക്കേറിയ സ്ഥലങ്ങളിൽ എല്ലാം പെട്രോളിങ് ഉണ്ട്. ഡി.ജെ പാർട്ടികൾ നടക്കുന്ന സ്ഥലങ്ങളിൽ മഫ്തി പോലീസ് ഉണ്ടാകും. ഹോട്ടൽ അധികൃതർ ഡിജെ പാർട്ടികളിൽ പങ്കെടുക്കുന്ന ആളുകളുടെ തിരിച്ചറിയൽ രേഖയുടെ കോപ്പികൾ സൂക്ഷിക്കണം. നിർദ്ദേശങ്ങൾ പാലിച്ചില്ലെങ്കിൽ കർശന നടപടി ഉണ്ടാകുമെന്ന് ഡിസിപി എസ് ശശിധരൻ വ്യക്തമാക്കി. അതേസമയം തിരുവനന്തപുരം നഗരത്തിലും കർശന സുരക്ഷ ഏർപ്പെടുത്തിയിട്ടുണ്ട്.
