പീരുമേട്: സബ് ട്രഷറിയുടെ പുതിയ മന്ദിരത്തിന്റെ ഉദ്ഘാടനം ജൂലൈ 16 ന് ധനകാര്യ വകുപ്പു മന്ത്രി കെ.എന്. ബാലഗോപാല് നിര്വ്വഹിക്കും. വാഴൂര് സോമന് എംഎല്എ അദ്ധ്യക്ഷത വഹിക്കും. പീരുമേട് സബ് ട്രഷറിയ്ക്ക് സ്വന്തം കെട്ടിടം എന്നത് പൊതുജനങ്ങളുടെയും, പെന്ഷൻകാരുടെയും, ജീവനക്കാരുടെയും ചിരകാല സ്വപ്നമായിരുന്നു. ട്രഷറി അടിസ്ഥാന സൗകര്യ വികസന പദ്ധതിയില് ഉള്പ്പെടുത്തിയാണ് ആധുനിക സൗകര്യങ്ങളോടെയുള്ള പുതിയ മന്ദിരത്തിന്റെ നിര്മ്മാണം പൂര്ത്തിയാക്കിയത്.
ഡീന് കുര്യാക്കോസ് എംപി മുഖ്യാതിഥിയായിരിക്കും. ജില്ലാ പഞ്ചായത്ത് പ്രസിഡന്റ് ജിജി കെ. ഫിലിപ്പ്, മുന് എംഎല്എ ഇ.എസ്. ബിജിമോള്, അഴുത ബ്ലോക്ക് പഞ്ചായത്ത് പ്രസിഡന്റ് പി.എം. നൗഷാദ്, ജില്ലാ പഞ്ചായത്ത് അംഗം കെ.ടി. ബിനു, പീരുമേട് ഗ്രാമപഞ്ചായത്ത് പ്രസിഡന്റ് എസ്. സാബു, സംസ്ഥാന സഹകരണ പെന്ഷന് ബോര്ഡ് ചെയര്മാന് ആര്. തിലകന്, കേരള ചെറുകിട തോട്ടം തൊഴിലാളി ക്ഷേമനിധി ബോര്ഡ് ചെയര്മാന് പി.എസ്. രാജന്, ട്രാക്കോ കേബിള് കമ്പനി ലിമിറ്റഡ് ചെയര്മാന് അഡ്വ. അലക്സ് കോഴിമല, ട്രഷറി ഡയറക്ടര് വി. സാജന്, ദക്ഷിണമേഖല ട്രഷറി ഡെപ്യൂട്ടി ഡയറക്ടര് കെ.പി.ബിജുമോന്, ജില്ലാ ട്രഷറി ഓഫീസര് കെ. ബിജു, ജനപ്രതിനിധികള്, രാഷ്ട്രീയ പാര്ട്ടി പ്രതിനിധികള് തുടങ്ങിയവര് പങ്കെടുക്കും.