ലോകത്ത് വേഗത്തിൽ പ്രചരിക്കുന്ന ആർട്ടിഫിഷ്യൽ ഇന്റലിജൻസിനെക്കുറിച്ച് പൊതു ജനങ്ങൾക്കിടയിൽ വ്യാപകമായ അവബോധം നൽകണമെന്ന് നാഷണൽ ടെക്നിക്കൽ റീസർച്ച് ഓർഗനൈസേഷൻ ( എൻ ടി ആർ ഒ ) ചെയർമാൻ അരുൺകുമാർ സിൻഹ പറഞ്ഞു. അല്ലാത്ത പക്ഷം ഇതിനെക്കുറിച്ചുള്ള തെറ്റായ ധാരണകൾ കൂടുതൽ പ്രശ്നങ്ങൾഉളവാക്കാൻസാധ്യതയുണ്ടെന്നും അദ്ദേഹം വ്യക്തമാക്കി.
കൊച്ചി ഗ്രാന്റ് ഹയാത്തിൽ നടക്കുന്ന കൊക്കൂൺ 16 മത് എഡിഷനിൽ രണ്ടാം ദിനത്തിൽമുഖ്യപ്രഭാഷണംനടത്തുകയായിരുന്നു അദ്ദേഹം.
ഇനിയുള്ള കാലഘട്ടത്തിൽ സാങ്കേതിക വിദ്യയുടെ വളർച്ച കൂടുതൽ വേഗത്തിൽ ആകുമ്പോൾ അതിനെ വികസിപ്പിക്കാനും നിയന്ത്രിക്കാനും രാജ്യത്ത് പ്രത്യേക അതോറിറ്റി ആവശ്യമാണെന്നും അദ്ദേഹം ചൂണ്ടിക്കാട്ടി.
ആഗോള വിപണയിൽ യു പി ഐ ഉപയോഗിച്ചുള്ള പണമിടപാട് ഏറ്റവും കൂടുതൽ നടക്കുന്നത് ഇന്ത്യയിലാണ്. അത് കൊണ്ട് ഓൺലൈൻ പണമിടപാടുകൾ നടത്തുന്ന വേളയിൽപാസ്വേഡ്ഉൾപ്പെടെയുള്ളവയുടെ സുരക്ഷാ കാര്യത്തിൽ പ്രത്യേക ശ്രദ്ധ നൽകണമെന്നും അദ്ദേഹം പറഞ്ഞു.
യൂസർ ഐഡിയും, പാസ് വേഡും വളരെ ശ്രദ്ധയോടെ കൈകാര്യം ചെയ്യണം. അല്ലാത്ത പക്ഷം ഓൺലൈൻ തട്ടിപ്പുകാർക്ക് സഹായകരമാകുമെന്നും കേരളത്തിൽ ഉൾപ്പെടെ ഓൺലൈൻ വഴി പണം തട്ടിപ്പ് നടക്കുന്നത് ഇക്കാര്യത്തിലുള്ള അജ്ഞത കൊണ്ടുമാണെന്നും അദ്ദേഹം സൂചിപ്പിച്ചു.