തൃശൂർ: ഇരിങ്ങാലക്കുട കാറളത്ത് ഒരു കുടുംബത്തിലെ മൂന്നു പേരെ തൂങ്ങി മരിച്ചനിലയിൽ കണ്ടെത്തി. കാറളം ഹരിപുരം സ്വദേശി കുഴുപുള്ളി പറമ്പിൽ മോഹനൻ (62), ഭാര്യ മിനി (56), മകൻ ആദർശ് എന്നിവരെയാണ് തൂങ്ങി മരിച്ചനിലയിൽ കണ്ടെത്തിയത്. ഇവരെ കാണാതായതിനെ തുടർന്ന് ഇന്നലെ രാത്രി പത്തരയോടെ നാട്ടുകാരും, കാട്ടൂർ പൊലീസും വീടിൻ്റെ വാതിൽ തകർത്ത് അകത്ത് കയറി നോക്കിയപ്പോഴാണ് മൂന്നു പേരെയും തൂങ്ങി മരിച്ച നിലയിൽ കണ്ടെത്തിയത്.ആദർശിനെ ഹാളിലും, മോഹനനെയും മിനിയെയും മുറികളിലും ആണ് തൂങ്ങി മരിച്ച നിലയിൽ കണ്ടെത്തി. മോഹനൻ വീടിനോട് ചേർന്ന് പലചരക്ക് കട നടത്തുകയാണ്. ആദർശ് കാറളം വിഎച്ച്എസ്എസ് സ്കൂളിലെ പ്ലസ്ടു വിദ്യാർഥിയാണ്. ഒരു മകൾ വിവാഹം കഴിഞ്ഞ് ഭർത്താവിന് ഒപ്പം വിദേശത്താണ്.
