വെസ്റ്റ് മിഡ്ലാൻഡ്സിലെ കവൻ്ററി യൂണിവേഴ്സിറ്റി ഹോസ്പിറ്റലിൽ നഴ്സ് ആയ തിരുവനന്തപുരം ഉദിയൻകുളങ്ങര സ്വദേശി എം.എസ് അരുൺ (33) ആണ് വീട്ടിൽ മരിച്ച നിലയിൽ കാണപ്പെട്ടത്. ബുധനാഴ്ച നൈറ്റ് ഡ്യൂട്ടിക്ക് എത്തേണ്ട അരുൺ ഹോസ്പിറ്റലിൽ എത്താതായതോടെ കവൻ്ററി യൂണിവേഴ്സിറ്റി ഹോസ്പിറ്റൽ അധികൃതർ പൊലീസിനെ ബന്ധപ്പെടുകയായിരുന്നു. ഉറക്കത്തിനിടെ ഹൃദയാഘാതം സംഭവിച്ചാതാകാമെന്ന് പൊലീസ് പറഞ്ഞു.തിരുവനന്തപുരം അമരവിള ഉദിയൻകുളങ്ങര, ഇളങ്കം ലെയിൻ അരുണിമയിൽ മുരളീധരൻ നായർ, കുമാരി ശാന്തി എന്നിവരാണ് മാതാപിതാക്കൾ. എം.എസ് ആതിര സഹോദരിയും. സംസ്കാരം പിന്നീട് നാട്ടിൽ നടക്കും.
