ചങ്ങനാശ്ശേരി: വാഴൂർ റോഡിൽ പൂവത്തുംമൂടിനു സമീപം കാറും ഓട്ടോറിക്ഷയും ബൈക്കും കൂട്ടിയിടിച്ചുണ്ടായ അപകടത്തിൽ കാർ യാത്രിക മരിച്ചു.തൃക്കൊടിത്താനം കുന്നുംപുറം സ്വദേശിനി ജസ്റ്റി റോസ് ആൻ്റണി (40) ആണ് മരിച്ചത്. ഭർത്താവ് ജസ് വിൻ മക്കൾ ജോവാൻ, ജോൺ ഉൾപ്പെടെ 5 പേർക്കും അപകടത്തിൽ പരിക്കേറ്റു. ബൈക്കിൽ സഞ്ചരിച്ചിരുന്ന കിടങ്ങറ സ്വദേശി ജെറിൻ, ഓട്ടോറിക്ഷയിൽ സഞ്ചരിച്ചിരുന്ന അഞ്ജലി സുശീലൻ, ഓട്ടോ ഡ്രൈവർ രാജേഷ് എന്നിവർക്കാണ് പരിക്കേറ്റത്.ഇന്നലെ ഉച്ചയ്ക്ക് ശേഷം രണ്ടരയോടെയാണ് അപകടം ഉണ്ടായത്. തെങ്ങണാ ഭാഗത്തു നിന്ന് വന്ന ബൈക്കും ഓട്ടോറിക്ഷയും മാമൂട് ഭാഗത്തു നിന്ന് വന്ന കാറും തമ്മിൽ കൂട്ടി ഇടിക്കുകയായിരുന്നു.
