ബി ജെ പി സംസ്ഥാന സമിതി അംഗമായ സിനിമാ സംവിധായകൻ രാജസേനൻ പാർട്ടി വിട്ടു.ജനങ്ങൾക്ക് വേണ്ടി ബി ജെ പി ഒന്നും ചെയ്തില്ലെന്നും കടുത്ത അവഗണനയാണ് നേതാക്കളിൽ നിന്നും നേരിട്ടതെന്നും രാജസേനൻ പറഞ്ഞു.
കലാരംഗത്തും സാമൂഹിക രംഗത്തും നന്നായി പ്രവർത്തിക്കാൻ കഴിയുന്നത് സി പി എമ്മിൽ നിന്നുകൊണ്ടായിരിക്കുമെന്നും അദ്ദേഹം പറഞ്ഞു. ശനിയാഴ്ച സി പി എം സംസ്ഥാന സെക്രട്ടറി എം വി ഗോവിന്ദനുമായി രാജസേനൻ കൂടിക്കാഴ്ച നടത്തി. ബി ജെ പി നേതൃത്വത്തിന് ഉടൻ രാജിക്കത്ത് കൈമാറുമെന്ന് രാജസേനൻ പറഞ്ഞു.
2016ൽ അരുവിക്കര നിയോജകമണ്ഡലം ബി ജെ പി സ്ഥാനാർത്ഥിയായിരുന്നു അദ്ദേഹം.സി പി എമ്മുമായി ചേർന്ന് പ്രവർത്തിക്കുമെന്ന് രാജസേനൻ അറിയിച്ചു.
