ന്യൂഡൽഹി: ഗുജറാത്ത് മുഖ്യമന്ത്രി വിജയ് രുപാനി രാജി വച്ചു. ഗവർണർ ആചാര്യ ദേവ്റത്തിനു മുന്നിൽ രാജി കത്ത് സമർപ്പിച്ച രുപാനി രാജിക്ക് പ്രത്യേകിച്ച് കാരണങ്ങൾ ഒന്നും പറഞ്ഞില്ല. കുറച്ചു ദിവസങ്ങളായി ഗുജറാത്ത് മന്ത്രിസഭയെ ചുറ്റിപറ്റി ബി ജെ പിക്കുള്ളിൽ ചർച്ചകൾ നടക്കുന്നുണ്ടായിരുന്നുവെങ്കിലും രുപാനിയുടെ രാജി തീർത്തും അപ്രതീക്ഷിതമായിരുന്നു. രാജിയുടെ കാരണം അന്വേഷിച്ച മാദ്ധ്യമപ്രവർത്തകരോട് ബി ജെ പിയിൽ നേതൃമാറ്റം സർവസാധാരണമാണെന്നായിരുന്നു രുപാനിയുടെ മറുപടി.