കൊച്ചി: ബ്രഹ്മപുരത്തെ തീപിടിത്തത്തെ തുടർന്ന് എറണാകുളത്തെ സ്കൂളുകൾക്ക് ഇന്നും അവധി പ്രഖ്യാപിച്ച് കലക്ടർ.ആരോഗ്യപരമായ മുൻകരുതലിൻ്റെ ഭാഗമായാണ് അവധി പ്രഖ്യാപിച്ചിരിക്കുന്നതെന്ന് കലക്ടർ അറിയിച്ചു. പൊതു പരീക്ഷകൾക്ക് മാറ്റമില്ലെന്നും കലക്ടർ അറിയിച്ചു.വടവുകോട്, കിഴക്കമ്പലം, കുന്നത്തുനാട് ഗ്രാമപഞ്ചായത്തുകളിലും തൃക്കാക്കര, തൃപ്പൂണിത്തുറ, മരട് മുനിസിപ്പാലിറ്റികളിലും, കൊച്ചി മുനിസിപ്പൽ കോർപ്പറേഷൻ എന്നിവിടങ്ങളിലെ അങ്കണവാടികൾ, കിൻ്റർഗാർട്ടൺ, ഡേ കെയർ സെൻ്ററുകൾ എന്നിവയ്ക്കും സർക്കാർ, എയ്ഡഡ്, അൺ എയ്ഡഡ്, സിബിഎസ്ഇ, ഐസിഎസ്ഇ സ്കൂളുകളിലെ ഒന്നു മുതൽ ഏഴു വരെയുള്ള ക്ലാസുകൾക്കാണ് അവധി.
