സി പി എം നേതാവ് പി ജയരാജനെതിരെ കണ്ണൂര് ജില്ലാ പൊലീസ് മേധാവിക്ക് പരാതി നല്കി യുവമോര്ച്ച. തലശ്ശേരിയിലെ കൊലവിളി പ്രസംഗത്തില് കേസ് എടുക്കണമെന്ന് ആവശ്യപ്പെട്ടാണ് പരാതി.
ഷംസീറിന് നേരെ കയ്യോങ്ങിയാല് യുവമോര്ച്ചക്കാരുടെ സ്ഥാനം മോര്ച്ചറിയിലായിരിക്കുമെന്നായിരുന്നു പി ജയരാജന്റെ വിവാദ പ്രസംഗം. ഹിന്ദു ദൈവങ്ങളെ അപമാനിച്ചെന്നു ആരോപിച്ചുള്ള പ്രതിഷേധ പരിപാടിയില് ആയിരുന്നു പരാമര്ശം. ഇതിനെതിരെയായിരുന്നു ജയരാജന്റെ പ്രതികരണം. ഷംസീറിനെ ഒറ്റപ്പെടുത്തിക്കളയാമെന്നത് വ്യാമോഹം മാത്രമാണെന്നും പി ജയരാജൻ പറഞ്ഞു.
യുവമോര്ച്ച പ്രവര്ത്തകരെ മോര്ച്ചറിയാലാക്കുമെന്ന് വധഭീഷണി മുഴക്കിയ പി ജയരാജനെതിരെ കേസെടുക്കണമെന്ന് ബി ജെ പി സംസ്ഥാന അദ്ധ്യക്ഷൻ കെ സുരേന്ദ്രൻ ആവശ്യപ്പെട്ടു.
പരസ്യമായി കൊലവിളി മുഴക്കുന്ന പി ജയരാജനെ ഖാദി ബോര്ഡിന്റെ വൈസ് ചെയര്മാൻ സ്ഥാനത്ത് നിന്നും നീക്കാൻ സര്ക്കാര് തയ്യാറാവണമെന്നും അദ്ദേഹം പറഞ്ഞു.