സമൂഹ മാധ്യമം വഴി പരിചയപ്പെട്ട ശേഷം പ്രണയത്തിലാക്കി പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവിനെ മാന്നാർ പോലീസ് അറസ്റ്റ് ചെയ്തു. മാന്നാർ പാവുക്കര കൊച്ചുവീട്ടിൽ കിഴക്കേതിൽ ശശിധരൻ മകൻ രാജീവ് (30)നെ ആണ് മാന്നാർ പോലീസ് അറസ്റ്റ് ചെയ്തത്. പെൺകുട്ടിയെ പ്രണയത്തിൽ ആക്കിയ ശേഷം പെൺകുട്ടിയുടെ പലതരത്തിലുള്ള ഫോട്ടോകൾ പ്രതിയുടെ മൊബൈൽ ഫോണിൽ എടുക്കുകയും പെൺകുട്ടിയുടെ ഫേസ്ബുക്ക് പാസ്സ്വേർഡ് കൈക്കലാക്കിയ പ്രതി അതുവഴിഈ ഫോട്ടോകൾ പ്രദർശിപ്പിക്കുകയും പിന്നീട് ഈ ഫോട്ടോകൾ വീണ്ടും മോർഫ് നടത്തി പലസ്ഥലങ്ങളിലും പ്രദർശിപ്പിക്കും എന്നും പറഞ്ഞ് ഭീഷണിപ്പെടുത്തി പ്രതി പെൺകുട്ടിയെ പീഡനത്തിന് ഇരയാക്കിയതായാണ് കേസ്. പെൺകുട്ടിയുടെ മാതാപിതാക്കളുടെ പരാതിയെ തുടർന്ന് പോലീസ് നടത്തിയ അന്വേഷണത്തിൽ കോഴിക്കോട് വടകരയിൽ നിന്നാണ് പ്രതിയെ അറസ്റ്റ് ചെയ്തത്. മാന്നാർ പോലീസ് ഇൻസ്പെക്ടർ എസ് എച്ച് ഒ.
ജി സുരേഷ് കുമാറിന്റെ നേതൃത്വത്തിൽ എസ് ഐ സുനുമോൻ,
എസ് ഐ ജോൺ തോമസ്,ഗ്രേഡ് എസ് ഐ ശ്രീകുമാർ,
അഡിഷണൽ എസ് ഐമാരായ മധുസുധനൻ,
ബിന്ദു,സിവിൽ പോലീസ് ഓഫീസർമാരായ സിദ്ധിക്ക് ഉൽ അക്ബർ,പ്രവീൺ എന്നിവരാണ് അന്വേഷണ സംഘത്തിൽ ഉണ്ടായിരുന്നത്.