സംഘാടകരായ
അഞ്ചുപേർക്കെതിരെയും കമ്മിറ്റി അംഗങ്ങള്ക്കെതിരെയുമാണ് കേസടുത്തത്. ഇന്നലെ രാത്രി ഉണ്ടായ തിക്കിലും തിരക്കിലും നിരവധി പേർക്ക് പരിക്കേറ്റിരുന്നു. മൂവായിരത്തോളം ആളുകളെ മാത്രമേ പ്രവേശിക്കാവൂ എന്ന് മുന്നറിയിപ്പ് നല്കിയിട്ടും 10000 ആളുകളെ പ്രവേശിപ്പിച്ചു എന്നാണ് എഫ്ഐആറിലുള്ളത്.
കാസർകോട് പുതിയ ബസ്റ്റാന്റിന് സമീപമുള്ള മൈതാനത്തായിരുന്നു പരിപാടി സംഘടിപ്പിച്ചിരുന്നത്.ശാരീരിക അസ്വസ്ഥതകളെ തുടർന്നാണ് 10 പേരെ ആശുപത്രിയില് പ്രവേശിപ്പിച്ചത്.
സംഗീത പരിപാടി ആരംഭിക്കുന്നതിന് മുമ്പ് തന്നെ ആളുകള് ഇവിടെ തടിച്ചുകൂടുകയായിരുന്നു. ഇതോടെ നഗരത്തില് ഗതാഗതം സ്തംഭിക്കുകയും, ജനക്കൂട്ടം നിയന്ത്രണാതീതമാവുകയും ആയിരുന്നു.
