കോട്ടയം:യാതൊരു മാനദണ്ഡങ്ങളും പാലിക്കാതെ അന്യായമായി തൊഴിൽ നികുതി ഓരോ വർഷവും ഇരട്ടിയിലധികം വർദ്ധിപ്പിക്കുന്ന കോട്ടയം മുനിസിപ്പാലിറ്റിയുടെ വ്യാപാരി വിരുദ്ധ നടപടിക്കെതിരെ കേരള വ്യാപാരി വ്യവസായി ഏകോപന സമിതിയുടെ നേതൃത്വത്തിൽ കോട്ടയം മുനിസിപ്പൽ ഓഫീസിലേക്ക് മാർച്ചും ധർണയും നടത്തി. രാവിലെ ജില്ലാ വ്യാപാര ഭവനിൽ നിന്നും പ്രകടനം ആരംഭിച്ചു. പ്രകടനം മുനിസിപ്പൽ ഓഫീസിന് മുന്നിൽ എത്തിച്ചേർന്നപ്പോൾ കേരള വ്യാപാരി വ്യവസായി ഏകോപനസമിതി കോട്ടയം ജില്ലാ പ്രസിഡണ്ടും സംസ്ഥാന വൈസ് പ്രസിഡന്റുമായ ശ്രീ .എം.കെ. തോമസ്കുട്ടി ധർണ്ണ ഉദ്ഘാടനം ചെയ്തു.അന്യായമായി തൊഴിൽ നികുതി ,മുനിസിപ്പൽ ലൈസൻസ് ഫീസ് എന്നിവയുടെ വർദ്ധനവ് , തുടങ്ങി വ്യാപാരികളെ ദ്രോഹിക്കുന്ന എല്ലാ നടപടികളും ഉടൻ പിൻവലിക്കണമെന്ന് അദ്ദേഹം ആവശ്യപ്പെട്ടു.
വ്യാപാരി വ്യവസായി ഏകോപന സമിതി കോട്ടയം ജില്ലാ ജനറൽ സെക്രട്ടറിയും, കോട്ടയം മർച്ചന്റ്സ് അസോസിയേഷൻ പ്രസിഡണ്ടുമായ ശ്രീ. എ.കെ.എൻ. പണിക്കർ അധ്യക്ഷത വഹിച്ചു.
കോട്ടയം മർച്ചൻ്റ്സ് അസോസിയേഷൻ, ചിങ്ങവനം,
കഞ്ഞിക്കുഴി, കുമാരനല്ലൂർ, സംക്രാന്തി, നാഗമ്പടം,മുളങ്കുഴ,എസ്.എച്ച് മൗണ്ട്, തുടങ്ങിയ യൂണിറ്റുകളിലെ ഭാരവാഹികളും, കമ്മറ്റി അംഗങ്ങളും, വ്യാപാരികളും പരിപാടിയിൽ പങ്കെടുത്തു.
കോട്ടയം മർച്ചൻ്റ്സ് അസോസിയേഷൻ വൈസ് പ്രസിഡണ്ട് ശ്രീ.നൗഷാദ് പനച്ചിമൂട്ടിൽ സ്വാഗതവും, ട്രഷറർ സി.എ.ജോൺ കൃതജ്ഞതയും രേഖപ്പെടുത്തി.
