കോഴിക്കോട് തെങ്ങുകയറ്റ തൊഴിലാളിയെ കാട്ടുപന്നി കുത്തി മലർത്തി.
കോഴിക്കോട് ബാലുശ്ശേരി ഉണ്ണികുളം നെരോത്ത് കൊന്നക്കല് ഭാഗത്ത് പണ്ടാരപ്പറമ്പില് പി.പി മോഹനനാണ് (54) ആക്രമണത്തിൽ പരിക്കേറ്റത്.
ശരീരമാസകലം മുറിവുകൾ ഉണ്ട്. ഇയാളെ മുക്കത്തെ സ്വകാര്യ മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയാണ്.
അപ്രതീക്ഷിതമായി പാഞ്ഞടുത്ത കാട്ടുപന്നി ഇദ്ദേഹത്തെ തേറ്റകൊണ്ട് ശരീരമാസകലം കുത്തി പരിക്കേല്പ്പിക്കുകയായിരുന്നു.
നെരോത്ത് കൊന്നക്കല് പ്രദേശത്ത് കാട്ടുപന്നിയുടെ ആക്രമണത്തില് മുന്പും നിരവധി പേര്ക്ക് പരിക്കേറ്റതായും വ്യാപക കൃഷിനാശമുണ്ടായതായും നാട്ടുകാര് പറയുന്നു.
