തിരുവനന്തപുരം: സംസ്ഥാനത്തെ കോർപ്പറേഷനുകളിലും മുനിസിപ്പാലിറ്റികളിലും ചെറുകിട
നിര്‍മ്മാണങ്ങള്‍ക്ക് അപേക്ഷിച്ചാലുടൻ തന്നെ കെട്ടിട നിര്‍മ്മാണ പെര്‍മിറ്റ്
ലഭ്യമാക്കുമെന്ന് മന്ത്രി എംബി രാജേഷ്. വീട് ഉൾപ്പെടെ 300 ചതുരശ്ര മീറ്റർ
വരെയുള്ള ചെറുകിട കെട്ടിടനിർമ്മാണങ്ങൾക്കാണ് ഈ സൗകര്യം. സ്വയം
സാക്ഷ്യപ്പെടുത്തുന്ന അപേക്ഷയുടെ അടിസ്ഥാനത്തിലാകും അനുമതി നല്‍കുന്നത്.പല
തലങ്ങളിലുള്ള പരിശോധനയും കാലതാമസവും
തടസ്സങ്ങളും ഇതുമൂലം ഒഴിവാക്കാൻ കഴിയും. അഴിമതിയും ഇല്ലാതാക്കാമെന്നും
മന്ത്രി പറഞ്ഞു. കെട്ടിട ഉടമസ്ഥരുടെയും കെട്ടിട പ്ലാൻ തയ്യാറാക്കുകയും സൂപ്പർവൈസ്
ചെയ്യുകയും ചെയ്യുന്ന ലൈസൻസി/ എം പാനൽഡ്
എഞ്ചിനീയർമാരുടെയും സത്യവാങ്മൂലത്തിൻ്റെ അടിസ്ഥാനത്തിൽ ഓൺലൈൻ ആയി അപേക്ഷിക്കാം.
അപേക്ഷ നൽകുന്ന ദിവസം തന്നെ സിസ്റ്റം ജനറേറ്റഡ് പെർമിറ്റ് ലഭിക്കും.
