പാർലമെൻ്റ് ശീതകാല സമ്മേളനം നാളെ ആരംഭിക്കും.സമ്മേളനത്തിന് മുന്നോടിയായി ഗവൺമെൻ്റ് വിളിച്ച സർവകക്ഷി യോഗം ഇന്ന് ചേരും.സമ്മേളനം സുഗമമാക്കുന്നതിനു എല്ലാ പാർട്ടികളുടെയും സഹകരണം യോഗത്തിൽ കേന്ദ്രം തേടും.17 ദിവസം സമ്മേളിക്കുന്ന പാർലമെൻ്റ് ശീതകാല സമ്മേളനം ഈ മാസം 29 നു അവസാനിക്കും. ശീതകാല സമ്മേളനത്തിൽ വിലക്കയറ്റവും, തൊഴിലില്ലായ്മയും, മിനിമം താങ്ങുവില അടക്കമുള്ള കർഷക പ്രശ്നങ്ങളും ആകും മുഖ്യ വിഷയങ്ങളായി ഉയർത്തുക. സമ്മേളനത്തിന്റെ ആദ്യദിവസം ഡൽഹി മുൻസിപ്പൽ തിരഞ്ഞെടുപ്പ് ഫലങ്ങളും രണ്ടാം ദിവസം ഗുജറാത്ത്, ഹിമാചൽ തിരഞ്ഞെടുപ്പ് ഫലങ്ങൾ വരുന്നതും സർക്കാരിനും പ്രതിപക്ഷത്തിനും നിർണായകമാണ്.
