തമിഴ്നാട്: തമിഴ്നാട് മുഖ്യമന്ത്രി എം കെ സ്റ്റാലിൻ്റെ മകനും, ഡിഎംകെ യുവജന വിഭാഗം അധ്യക്ഷനുമായ ഉദയനിധി സ്റ്റാലിൻ മന്ത്രിയായി സത്യപ്രതിജ്ഞ ചെയ്തു. രാവിലെ ഒമ്പതരയ്ക്ക് രാജ്ഭവനിലെ ദർബാർ ഹാളിൽ ആണ് സത്യപ്രതിജ്ഞാ ചടങ്ങുകൾ നടന്നത്. കായിക യുവജന ക്ഷേമ വകുപ്പുകൾ ആണ് ഉദയനിധിക്ക് ലഭിച്ചത്. ഉദയനിധിയെ മന്ത്രിസഭയിൽ ഉൾപ്പെടുത്താനുള്ള ശുപാർശ ഗവർണർ ആർ.എൻ.രവി അംഗീകരിച്ചിരുന്നു. 2008ൽ നിർമ്മാതാവായാണ് ഉദയനിധി സ്റ്റാലിൻ സിനിമ മേഖലയിലേക്ക് എത്തുന്നത്. പിന്നീട് നിരവധി ചിത്രങ്ങളിൽ വേഷമിട്ടു.
