തിരുവഞ്ചൂർ രാധാകൃഷ്ണൻ എം.എൽ.എയുടെ ഇടപെടലിലാണ് എം.ഡി. സെമിനാരി എച്ച്.എസ്.എസിൽ വെളിച്ചം തിരിച്ചെത്തിയത്.
തെരഞ്ഞെടുപ്പ് കമീഷൻ വൈദ്യുതി ബിൽ കുടിശിക അടക്കാത്തതിനെ തുടർന്നാണ് കഴിഞ്ഞ ദിവസം കെ.എസ്.ഇ.ബി വൈദ്യുതി വിച്ഛേദിച്ചത്..
എം.എൽ.എ സ്കൂളിലെത്തി വൈദ്യുതി മന്ത്രി, കലക്ടർ, കെ.എസ്.ഇ.ബി ഡെപ്യൂട്ടി ചീഫ് എൻജിനീയർ എന്നിവരെ വിളിച്ച് സംസാരിച്ചതിനെ തുടർന്ന് ഉടൻ ഫ്യൂസ് പുനസ്ഥാപിക്കാൻ നിർദേശിക്കുകയായിരുന്നു
2014, 2019 വർഷങ്ങളിലെ പാർലമെന്റ് തെരഞ്ഞെടുപ്പിൽ സ്ട്രോങ്ങ്‌റൂമായി ഉപയോഗിച്ചിരുന്നത് സ്കൂളായിരുന്നു.
അതിന്റെ വൈദ്യുതി ബില്ലാണ് തെരഞ്ഞെടുപ്പ് കമീഷൻ അടക്കാതെ കുടിശ്ശിക ആയത്.
3,18,000 രൂപ ആയിരുന്നു കുടിശിക. ഇത് ഒറ്റത്തവണ തീർപ്പാക്കൽ വഴി 1.32 ലക്ഷമാക്കി കുറച്ചിരുന്നു.
ശനിയാഴ്ച ആണ് വൈദ്യുതി വിച്ഛേദിച്ചത്. ഇതു മൂലം സ്കൂൾ പ്രവർത്തനം സ്തംഭിച്ച അവസ്ഥയിലായിരുന്നു.
വൈദ്യുതി ബന്ധം പുനസ്ഥാപിച്ച ശേഷമാണ് എംഎൽഎ സ്കൂളിൽ നിന്നും മടങ്ങിയത്
