സ്ത്രീത്വത്തെ അപമാനിച്ച കേസിലെ തുടർനടപടികൾക്ക്സ്റ്റേ.കേസ്റദ്ദാക്കണമെന്ന ഉണ്ണി മുകുന്ദന്റെ ഹർജിയിലാണ് ഹൈക്കോടതി നടപടി.
2017ൽ സിനിമയുടെ തിരക്കഥ പറയാനെത്തിയ യുവതിയോട് ഉണ്ണി മുകുന്ദൻ അപമര്യാദയായി പെരുമാറി എന്നാണ് കേസ്. സ്ത്രീത്വത്തെ അപമാനിക്കൽ വകുപ്പ് ചുമത്തിയ കേസിൽ നടന് ജില്ലാ കോടതിയിൽ നിന്നും ജാമ്യം ലഭിച്ചിരുന്നു. യുവതിക്കെതിരെ ഉണ്ണിമുകുന്ദനും പരാതി നല്കിയിരുന്നു.
കേസിന്റെ തുടർനടപടികൾ റദ്ദാക്കണമെന്നാവശ്യപ്പെട്ട് ഉണ്ണി മുകുന്ദൻ ഹൈകോടതിയെ സമീപിച്ചിരുന്നു. പരാതിക്കാരിയുമായി ഒത്തുതീർപ്പിലായെന്ന് കാണിച്ച് സത്യവാങ്മൂലം സമർപ്പിച്ചതോടെ വിചാരണ നടപടി സ്റ്റേ ചെയ്യാൻ ഹൈകോടതി നിർദേശിച്ചു. എന്നാൽ തന്റെ ഒപ്പെന്ന വ്യാജേന കള്ള സത്യവാങ്മൂലമാണ് സമർപ്പിച്ചതെന്ന് പരാതിക്കാരി ഹൈകോടതിയിൽ ചൂണ്ടിക്കാട്ടി. ഇതേ തുടര്ന്ന് കേസ് റദ്ദാക്കണമെന്ന നടന്റെ ഹര്ജി മേയ് മാസം തള്ളിയിരുന്നു. കോടതിയെ തെറ്റിദ്ധരിപ്പിച്ചത് അതീവ ഗൗരവതരമായ കാര്യമാണെന്നും കള്ളക്കളി അനുവദിക്കില്ലെന്നും ജസ്റ്റിസ് കെ ബാബു വ്യക്തമാക്കി. ഇപ്പോള് കേസ് ഒത്തുതീര്പ്പായെന്ന് അറിയിച്ചതോടെ
കേസിന്റെ തുടര് നടപടികള് കോടതി വീണ്ടും സ്റ്റേചെയ്തു.