തിരു.: അരി വില കുറയ്ക്കാന് സര്ക്കാര് നടപടി തുടങ്ങി. ആന്ധ്രയില് നിന്ന് ജയ അരി ഇറക്കുമതി ചെയ്യാനാണ് നീക്കം. ആന്ധ്രപ്രദേശ് പൊതുവിതരണ വകുപ്പ് മന്ത്രിയും ഉദ്യോഗസ്ഥ സംഘവും ഇന്ന് തിരുവനന്തപുരത്തെത്തി. നാളെ മന്ത്രി ജി.ആര്. അനിലിന്റെ നേതൃത്വത്തില് ചര്ച്ച നടത്തും. അരിവില കുതിച്ചുയര്ന്ന സാഹചര്യത്തിലാണ് നടപടികള് വേഗത്തിലാക്കുന്നത്. ജയ അരിക്കൊപ്പം വറ്റല് മുളക് അടക്കം വില വര്ദ്ധിച്ച മറ്റിനങ്ങളും സിവില് സപ്ളൈസ് കോര്പറേഷന് നേരിട്ട് സംഭരിക്കാനാണ് നീക്കം.