കാസർകോട്ടെ അഞ്ചുശ്രീയുടെ മരണത്തെ തുടർന്ന് റൊമാൻസിയ ഹോട്ടലിനെതിരെ നടന്ന അതിക്രമത്തിൽ നിയമനടപടിക്ക് ഒരുങ്ങി കേരള ഹോട്ടൽ ആൻഡ് റസ്റ്റോറൻറ്സ് അസോസിയേഷൻ. ഭക്ഷ്യവിഷബാധയാണെന്ന് സ്ഥിരീകരിക്കുന്നതിന് മുൻപ് ഹോട്ടലിന്റെ ലൈസൻസ് റദ്ദാക്കിയത് നിയമവിരുദ്ധമായ നടപടി ആണെന്നാണ് അസോസിയേഷന്റെ നിലപാട്. അഞ്ചുശ്രീയുടെ മരണം ഭക്ഷ്യ വിഷബാധയെ തുടർന്നല്ലെന്ന് വ്യക്തമായ പശ്ചാത്തലത്തിൽ നിലവിലെ നടപടികൾ അവസാനിപ്പിച്ച്, ഹോട്ടൽ തുറന്നു പ്രവർത്തിപ്പിക്കാൻ അനുവാദം നൽകണമെന്നാണ് അസോസിയേഷൻറെ പ്രധാന ആവശ്യം. ശാസ്ത്രീയ പരിശോധന പൂർത്തിയാകുന്നതിനു മുൻപ് തന്നെ ഊഹാപോഹങ്ങളുടെ അടിസ്ഥാനത്തിലാണ് ഹോട്ടലിനെതിരെ തെറ്റായ പ്രചാരണം നടന്നത്.
