ബഫർ സോണിൽ ഉൾപ്പെട്ട പ്രദേശങ്ങളുടെ സർവ്വേ നമ്പർ അടങ്ങിയ ഭൂപടം പ്രസിദ്ധീകരിച്ചു. ജനവാസ കേന്ദ്രങ്ങളെയും നിർമ്മിതികളെയും ഒഴിവാക്കി സംരക്ഷിത മേഖലയ്ക്ക് ചുറ്റുമുള്ള ബഫർസോൺ ഭൂപടം നേരത്തെ തന്നെ പ്രസിദ്ധീകരിച്ചിരുന്നു. ഇതിൽ സർവ്വേ നമ്പർ കൂടി ഉൾപ്പെടുത്തിയ ഭൂപടമാണ് ഇപ്പോൾ പ്രസിദ്ധീകരിച്ചത്. ഭൂപടത്തിൽ ഓരോ സ്ഥാപനത്തിനും ഓരോ നിറമാണ് നൽകിയിരിക്കുന്നത്. ജനുവരി 7 മുതൽ ഇതിലുള്ള പരാതികൾ നൽകാം. സ്ഥലപരിശോധന നടത്തി റിപ്പോർട്ട് തയ്യാറാക്കാനുള്ള സമിതിയുടെ കാലാവധിയും നീട്ടിയിട്ടുണ്ട്.
