ആലപ്പുഴ: ജി . സുധാകരൻ അമ്പലപ്പുഴയിൽ സ്വതന്ത്ര സ്ഥാനാർത്ഥിയായി മത്സരിക്കുമ്പോൾ അദ്ദേഹത്തെ പിന്തുണയ്ക്കാൻ ഇന്ത്യൻ നാഷണൽ കോൺഗ്രസ് തീരുമാനം. മണ്ഡലത്തിൽ കോൺഗ്രസ് സ്വന്തം സ്ഥാനാർത്ഥിയെ നിർത്തില്ല. ഇതോടെ സ്ഥാനാർത്ഥിത്വം പ്രതീക്ഷിച്ചിരുന്ന എം . ലിജുവിന് പ്രതിസന്ധി.
അമ്പലപ്പുഴയിൽ സുധാകരന്റെ പ്രധാന എതിരാളി നിലവിലെ എംഎൽഎയായ എച് . സലാം ആണ്. ഇരുവരും തമ്മിലുള്ള പരസ്പര വിമർശനങ്ങൾ ഇതിനകം രാഷ്ട്രീയ ചർച്ചകൾക്ക് വഴിവെച്ചിട്ടുണ്ട്.
സി.പി.ഐ.എം. നേതൃത്വവുമായി ഉണ്ടായ ഭിന്നതയെ തുടർന്നാണ് സുധാകരൻ പാർട്ടിയിൽ നിന്ന് പുറത്തായത്. തുടർന്ന് സ്വതന്ത്രനായി മത്സരിക്കുമെന്ന് അദ്ദേഹം പ്രഖ്യാപിച്ചു. കോൺഗ്രസ് പിന്തുണ പ്രഖ്യാപിച്ചതോടെ അമ്പലപ്പുഴ നിയമസഭാ തിരഞ്ഞെടുപ്പിൽ ഏറെ ശ്രദ്ധ നേടുന്ന മണ്ഡലമായി മാറിയിരിക്കുകയാണ്.
