ഇരുപത്തിയേഴാമത് രാജ്യാന്തര ചലച്ചിത്രമേളയ്ക്ക് ഇന്ന് തിരശ്ശീല വീഴും. സമാപന സമ്മേളനം വൈകിട്ട് ആറിന് നിശാഗന്ധിയിൽ മന്ത്രി വി എൻ വാസവൻ ഉദ്ഘാടനം ചെയ്യും. മന്ത്രി വി ശിവൻകുട്ടി അധ്യക്ഷൻ ആകുന്ന ചടങ്ങിൽ, ഹംഗേറിയൻ സംവിധായകൻ ബേല താറിനുള്ള ലൈഫ് ടൈം അച്ചീവ്മെന്റ് പുരസ്കാരം സമ്മാനിക്കും. പ്രമുഖ സാഹിത്യകാരൻ എം മുകുന്ദൻ മുഖ്യാതിഥി ആകും. മന്ത്രി കെ രാജൻ ആണ് ചടങ്ങിലെ വിശിഷ്ടാതിഥി. രാജ്യാന്തരമേളയുടെ സമാപന ദിനമായ ഇന്ന് ജാഫർ പനാഹി സംവിധാനം ചെയ്ത നോ ബിയേഴ്സ്, ഒപ്പിയം, പലോമ, പ്രോമിസ് മീ ദീസ്, ദി നോവലിസ്റ്റ്സ് ഫിലിം എന്നിവ ഉൾപ്പെടെ 15 ചിത്രങ്ങൾ പ്രദർശിപ്പിക്കും. ഇന്ന് റിസർവേഷൻ ഇല്ലാതെ ചിത്രങ്ങൾ കാണാം.
