ഗർഭസ്ഥ ശിശുവിന് ഹൃദയ ശസ്ത്രക്രിയ നടത്തി ഡൽഹി എയിംസ് ആശുപത്രി. 28 വയസുകാരിയായ യുവതിയുടെ ഗർഭാവസ്ഥയിലുള്ള കുഞ്ഞിനാണ് ശസ്ത്രക്രിയ നടത്തിയത്. അമ്മയുടെ വയറ്റിലൂടെ കുഞ്ഞിൻ്റെ വയറ്റിൽ സൂചി കയറ്റിയായിരുന്നു ശസ്ത്രക്രിയ നടത്തിയത്. ആരോഗ്യപരമായ കാരണങ്ങളാൽ നേരത്തെ മൂന്ന് തവണ യുവതി ഗർഭഛിദ്രത്തിന് വിധേയയായിരുന്നു. നാലാമത് ഗർഭം ധരിച്ചപ്പോഴും സ്കാനിങ്ങിൽ കുഞ്ഞിൻ്റെ ഹൃദയത്തിന് തകരാറുണ്ടെന്ന് ഡോക്ടർമാർ കണ്ടെത്തി. ഇതോടെയാണ് വയറ്റിനുള്ളിൽ വച്ച് തന്നെ കുട്ടിയുടെ ഹൃദയശസ്ത്രക്രിയ നടത്തി ഗർഭം മുന്നോട്ടുകൊണ്ടുപോകാൻ മാതാപിതാക്കൾ തീരുമാനിച്ചത്.എയിംസിലെ കാർഡിയോതെറാസിക് സയൻസസ് സെൻ്ററിൽ വച്ചായിരുന്നു ശസ്ത്രക്രിയയുടെ നടപടിക്രമങ്ങൾ.
