തൃശൂര്: തെരഞ്ഞെടുപ്പ് പെരുമാറ്റച്ചട്ടം ലംഘിട്ടില്ലെന്ന് തൃശൂരിലെ എന്ഡിഎ സ്ഥാനാര്ത്ഥി സുരേഷ്ഗോപി. ജാതിയോ മതമോ ദൈവത്തിന്റെ പേരോ പറഞ്ഞ് വോട്ട് തേടിയിട്ടില്ലെന്നാണ് ജില്ലാ കളക്ടര് ടി.വി അനുപമയ്ക്ക് സുരേഷ് ഗോപി മറുപടി നല്കിയത്.
48 മണിക്കൂറിനുള്ളില് വിശദീകരണം നല്കാനാണ് വരാണാധികാരിയായ ജില്ലാ കലക്ടര് ടി.വി അനുപമ നല്കിയ നോട്ടീസില് പറഞ്ഞിരുന്നത്. സമയ പരിധി ഇന്ന് രാത്രിയോടെയാണ് അവസാനിക്കുന്നത്. ശബരിമലയുടെ പേരില് വോട്ട് ചോദിക്കരുതെന്ന മുഖ്യ തെരഞ്ഞെടുപ്പ് കമ്മീഷണറുടെ നിര്ദ്ദേശം സുരേഷ് ഗോപി ലംഘിച്ചുവെന്നാണ് നോട്ടീസില് പറഞ്ഞിരുന്നത്.
പ്രസംഗത്തില് താന് ഉറച്ച് നില്ക്കുന്നു. ഇഷ്ടദേവന്റെ പേര് പറയാന് കഴിയാത്തത് ഒരു ഭക്തന്റെ ഗതികേടാണ്. ഇതിന് ജനം മറുപടി നല്കുമെന്നും സുരേഷ് ഗോപി നേരത്തെ തന്നെ പറഞ്ഞിരുന്നു. തെരഞ്ഞെടുപ്പ് കമ്മീഷന് നല്കിയ നോട്ടീസിന് പാര്ട്ടി മറുപടി നല്കും. അയ്യന് എന്ന പദത്തിന്റെ അര്ഥം എന്താണെന്ന് പരിശോധിക്കു. ശബരിമല വിഷയം തെരഞ്ഞെടുപ്പ് പ്രചാരണത്തിന് ഉപയോഗിക്കില്ലെന്നാണ് പ്രസംഗത്തില് പറഞ്ഞത്. ഇതെല്ലാം കമ്മീഷനെ ബോധ്യപ്പെടുത്തുമെന്നും സുരേഷ് ഗോപി ആദ്യം തന്നെ വ്യക്തമാക്കിയിരുന്നു.