തിരുവനന്തപുരം: ലോക്സഭ തെരഞ്ഞെടുപ്പില് സംസ്ഥാനത്തെ പ്രധാന സ്ഥാനാര്ത്ഥികളില് ആസ്തികളില് മുമ്പന് തിരുവനന്തപുരത്തെ യുഡിഎഫ് സ്ഥാനാര്ത്ഥി ശശി തരൂര്. തരൂരിന് ആകെ 56.06 കോടി രൂപ മൂല്യമുള്ള സ്വത്തു വകകളാണുള്ളത്. 19 ബാങ്ക് അക്കൗണ്ടുകളിലും ഓഹരി ബോണ്ടുകളിലുമടക്കം 49.31 കോടി രൂപയുടെ നിക്ഷേപമുണ്ട്.
32 ലക്ഷം വിലയുള്ള 534 ഗ്രാം സ്വര്ണവും 22.68 ലക്ഷം വിലയുള്ള രണ്ടു കാറുകളുമുണ്ട്. 6.75 കോടി രൂപയുടെ ഭൂസ്വത്തുക്കളാണുള്ളത്. കട ബാധ്യതകളില്ല. കൈവശം 36000 രൂപ മാത്രമാണ് ഉള്ളതെന്നും നാമനിര്ദേശ പത്രികയ്ക്കൊപ്പം സമര്പ്പിച്ച രേഖകളില് വ്യക്തമാക്കുന്നു.
ആസ്തിയില് മുന്പന്തിയിലുള്ളൊരു മറ്റൊരു സ്ഥാനാര്ത്ഥി തൃശൂരിലെ എന്ഡിഎ സ്ഥാനാര്ത്ഥിയും സിനിമാ നടനുമായ സുരേഷ് ഗോപിയാണ്. 12.66 കോടിയാണ് സുരേഷ് ഗോപിയുടെ ആകെ ആസ്തി. 8.59 കോടിയുടെ സ്ഥാവര സ്വത്തും 4.07 കോടിയുടെ ജംഗമ സ്വത്തുക്കളും ഉള്ളതായി സുരേഷ് ഗോപി വ്യക്തമാക്കുന്നു. 2019 ല് 10.66 കോടിയായിരുന്നു.
കണ്ണൂരിലെ എല്ഡിഎഫ് സ്ഥാനാര്ത്ഥി എംവി ജയരാജന് 1.44 കോടി, എറണാകുളത്തെ യുഡിഎഫ് സ്ഥാനാര്ത്ഥി ഹൈബി ഈഡന്- 1.3 കോടി, മാവേലിക്കരയിലെ യുഡിഎഫ് സ്ഥാനാര്ത്ഥി കൊടിക്കുന്നില് സുരേഷ് 1.05 കോടി എന്നിവരാണ് കോടീശ്വരന്മാരായ സ്ഥാനാര്ത്ഥികള്. ആലപ്പുഴയിലെ സ്ഥാനാര്ത്ഥികളായ കെ സി വേണുഗോപാലിന് 86.5 ലക്ഷവും എഎം ആരിഫിന് 47.16 ലക്ഷവുമാണ് ആകെ ആസ്തിയുള്ളത്.