ഇന്നലെ അര്ധ രാത്രിയോടെ തൊഴിലാളികളെ പുറത്തെത്തിക്കാമെന്നായിരുന്നു പ്രതീക്ഷ. എന്നാല് പുതിയ പ്രതിസന്ധി തടസമായി നിര്മാണത്തിന്റെ ഡ്രില്ലിങ് മെഷീൻ ഇരുമ്ബു പാളിയില് ഇടിച്ചതോടെയാണ് ദൗത്യത്തിനു നേരിയ തടസം നേരിട്ടത്. ഇതു മുറിച്ചു നീക്കിങ് ഡ്രില്ലിങ് പുനരാരംഭിക്കാനുള്ള ശ്രമം ഊര്ജ്ജിതമായി പുരോഗമിക്കുകയാണ്.
ഈ മാസം 12നാണ് തുരങ്കം തകര്ന്നു തൊഴിലാളികള് കുടുങ്ങിയത്. 41 പേരെ രക്ഷിക്കാനുള്ള ശ്രമം അന്നു മുതലാണ് തുടങ്ങിയത്. തൊഴിലാളികളുടെ അടുത്തെത്താൻ 12 മീറ്റര് കൂടിയെ ബാക്കിയുണ്ടായിരുന്നുള്ളു. അതിനിടെയാണ് പുതിയ പ്രതസന്ധി രൂപപ്പെട്ടത്. തുരങ്കത്തില് കുടുങ്ങിയ തൊഴിലാളികളെ പുറത്തെത്തിച്ച ശേഷം അവരുടെ പരിചരണത്തിനായി 41 ഓക്സിജന് ബെഡുകള് സജ്ജമാക്കിയതായി ഉത്തരാഖണ്ഡ് സര്ക്കാര് അറിയിച്ചു. ഉത്തരകാശിയിലെ ചിന്യാസൗറില് ഓക്സിജന് സൗകര്യമുള്ള ബെഡുകള് ഒരൂക്കിയിരിക്കുന്നത്. അതേസമയം കുടുങ്ങിയ തൊഴിലാളികള്ക്കായുള്ള രക്ഷാദൗത്യം വിജയത്തിനരികെയെത്തി. തൊഴിലാളികളെ പുറത്തെത്തിക്കുന്നതിനായി ഓക്സിജന് മാസ്ക് ധരിച്ച 21 രക്ഷാപ്രവര്ത്തകര് കുഴലില് പ്രവേശിച്ചതായാണ് റിപ്പോര്ട്ടുകള്.